Politika e privatësisë

Çfarë të dhënash mbledhim

Nuk ka regjistrim, nuk kërkohet e-mail dhe nuk krijohet profil. Nuk mbledhim emër, adresë, telefon e as të dhëna me të cilat mund të identifikohesh drejtpërdrejt, dhe nuk shohim kurrë çfarë ka përgjigjur një përdorues i caktuar.

Nëse e lejon matjen e vizitave, Google Analytics mbledh të dhëna për përdorimin e faqes: cilat faqe janë vizituar, lokacion i përafërt (në nivel qyteti, i nxjerrë nga adresa IP), tipi i pajisjes dhe i shfletuesit, dhe si ke arritur te faqja. Këto të dhëna i përpunon Google dhe për ne janë të dukshme vetëm si statistikë e përgjithshme.

Çfarë ruhet në shfletuesin tënd

Kur nis një sesion, progresi shkruhet në memorien lokale të shfletuesit (localStorage) që të mund të vazhdosh nëse rifreskon faqen. Kjo përfshin radhitjen e pyetjeve në sesion, se cilave pyetje u je përgjigjur dhe çfarë ke zgjedhur.

Atje ruhet edhe lista jote „për përsëritje“: numrat e pyetjeve që i ke shënuar ose i ke gabuar, sa herë i ke gabuar dhe sa përgjigje të sakta radhazi ke dhënë te secila. Ndryshe nga sesioni, lista mbetet edhe pasi ai të përfundojë - pikërisht ky është qëllimi, që më vonë të mund të ushtrosh vetëm atë.

Përveç kësaj, ruhet edhe zgjedhja e pamjes (e ndritshme, e errët ose si sistemi) dhe asgjë më shumë.

Këto të dhëna mbeten në pajisjen tënde. Nuk dërgohen te ne e as te kushdo tjetër. Mund t’i fshish në çdo kohë duke pastruar të dhënat e faqes në shfletuesin tënd.

Kukizat dhe leja jote

Nuk ka reklama dhe nuk ka shitje të të dhënave. Matja e vetme është Google Analytics dhe ajo rri e fikur derisa ta lejosh.

Për sa kohë që nuk përgjigjesh, ose nëse refuzon, skripti i Google nuk ngarkohet fare - kështu që nuk dërgohet asnjë kërkesë te Google dhe nuk vendoset kukizë analitike. Nuk është thjesht „e fshehur“ - nuk ekziston fare.

Nëse e lejon, Google Analytics vendos kukizat e veta për t’i dalluar vizitat. Lejen mund ta ndryshosh në çdo kohë më poshtë në këtë faqe, kurse fikja vlen prej ngarkimit të radhës të faqes.

Shërbime të palëve të treta

Përveç matjes që e lejon vetë, faqja nuk ngarkon asgjë nga palë të treta - as fonte, as skripte, as fotografi. Të gjitha fotografitë e shenjave dhe të situatave shërbehen nga ky server.

Nëse e lejon matjen, ngarkohet Google Analytics dhe të dhënat e vizitës i përpunon Google, përfshirë edhe jashtë vendit. Për atë përpunim vlejnë kushtet dhe politika e privatësisë së Google.

Lidhjet drejt faqeve të jashtme që i hap vetë, për shembull drejt arkivit zyrtar të shënuar si burim, janë çështje më vete - për to vlen politika e asaj faqeje.

Regjistrat e serverit

Si çdo server ueb, serveri që shërben faqen mund të regjistrojë të dhëna teknike për kërkesat (adresë IP, kohë, faqja e kërkuar) për të funksionuar dhe për sigurinë. Këto regjistra nuk përdoren për gjurmim, nuk lidhen me përgjigjet e tua dhe as nuk shiten e as nuk shpërndahen.

Fëmijët

Faqja është mjet ndihmës për mësim dhe nuk kërkon asnjë të dhënë personale nga askush, përfshirë fëmijët.

Të drejtat e tua

Lejen për matje e jep vetë dhe e heq në çdo kohë më poshtë në këtë faqe - pa asnjë pasojë për përdorimin.

Nuk mbajmë asnjë bazë të dhënash personale, prandaj nga ne s’ka çfarë të nxirret apo të fshihet. Të dhënat e vizitave janë në Google Analytics dhe fshihen sipas afatit të caktuar në atë llogari; nëse ke ndonjë kërkesë lidhur me to, na kontakto dhe do ta përcjellim.

Progresin e testeve, listën e përsëritjes dhe zgjedhjen e pamjes i fshin vetë: lista ka një buton për zbrazje në vetë faqen e testit, kurse gjithçka tjetër fshihet duke pastruar të dhënat e faqes në shfletuesin tënd.

Pavarësia

Kjo është një faqe e pavarur për mësim. Nuk është e lidhur me Ministrinë e Punëve të Brendshme e as me ndonjë institucion tjetër shtetëror dhe nuk është e miratuar prej tyre. Pyetjet janë marrë nga arkivi publik dhe ai shënohet si burim, por vetë faqja nuk është mjet zyrtar për dhënien e provimit.

Ndryshimet

Nëse ndonjëherë ndryshon mënyra se si përpunohen të dhënat, kjo faqe do të ndryshohet para se ndryshimi të hyjë në fuqi.